فلسطين ارض العزة
غـُــــــــــــــــــــــربة
سقالله نرجــع يا رفاقه
وعــلى ترابها نتـلاقى
صـعبة الغــربة علينا
وهالأرض ما أصعب فراقا
محروم من الوطن وما أصعب ظروفي
عايش في الغربة يـمّـه لو تشوفي
مـــن منفى لمنفى دايـــر
وحــامل خـيمة عا كـتوفي
فلسطيني ومسكرة بوجهي الدروب
شعبي محاصر, ومشرد بين الشعوب
من نكـبة لنكـسة ولسـة
بتكــوي فـيـه الحـروب
من قال أنساك من اللي قال تهـون
لأجلك يا وطن محلى عتم السجون
محلى الــدم ومحلى المــوت
اللي فداك يكــــون
لَنَــوْمَك عا حضــني
لعمـلـك حالي فـرشي
لأجلك يا وطـــن
لزحف على رمــشي
ولعمل عظامي لك جســر,
يا وطن عدّي و امــشي
مشتاق يا وطن, مشتاق يا أهلي
خمســـين عام مـرّوا
وبقــولوا ع مهــلي
متغّــرب عـنّك يادار
والغــربة ما هي سـهلي
بدي آكل عنب بدي أقطف زتون
بدي أعجن من قمحك خبز الطابون
بدي أبـــوس ترابك
وأكحّــل منّـه هالعيـون
لاتبكي يابه ويـمّـه لاتنوحي
دمعاتكو في القلب زادن جروحي
لاجيكــو ثائر بكـــرة
وأفديكـــو بروحي
سقالله نرجــع يا رفاقه
وعــلى ترابها نتـلاقى
صـعبة الغــربة علينا
وهالأرض ما أصعب فراقا
اعجبنى فنقلته لكم
مشاركاتي 
نقاطي
موضوع: فلسطين ارض العزة 
الجمعة يونيو 04, 2010 12:16 am
