لا تقول إني ذكرت ولا تقول إنـي نسيـت
كيف يعني يذكرك إنسان لحضـه مانسـاك
أدري إني صدق أحبك وأدري إنك مادريـت
إني حتى ضد نفسي صـرت ياعمـري معـاك
لو أقول إشكثر أحبك ! ما تصدق لـو حكيـت
داااام حبي فـووق والله مستـواي ومستـواك
(كل حرف ٍ لك كتبت ) و (كل حرف ٍ لي قريت)
(في شي ٍ من عناي) و(فيه شي ٍ من غـلاك)
في غيابك ياحبيبي ياكثـر ماقلـت لييـت
وياكثر ما قيييل عني في غيابـك وش بـلاك
مو مهم اللي جرى لي المهم إنك رضيـت
دام يزعلني زعلّك ودام يرضينـي رضـاك
إنت دمع ٍ في عيوني مابكيتـه لـو بكيـت
وإنت كل اللي كتبته وأنا بس اللي قـراك
وإنت درب ٍ من بديته فـي حياتـي منتهيـت
وإنت تعني لـي بهالدينـا نجاتـي والهـلاك
جيتك أتأسف حبيبي وأعترف إنـي خطيـت
جيتك أسبق لهفة أشواقـي ويسبقنـي غـلاك
وأنا مدري( شلت قلبي لك ) بعد عمري وجييت
وإلا ( قلبي شالني لك ) يابعد عمـري وجـاك
جيت أقول( إني أحبك) شفت عينـك إستحيـت
في عيونك قدرة الله وأشهـد إن الله عطـاك
لا تقول إني ذكرت ولا تقول إنـي نسيـت
دام قلبي ماذكـرك ودام قلبـي مانسـاك
مشاركاتي 
نقاطي
موضوع: لا تقول إني ذكرت ولا تقول إنـي نسيـت 
الثلاثاء مايو 18, 2010 4:35 pm
