تعودتي على الفرقا

تعودتي على الفرقا )

تعودتي على الفرقا طبيعي ذا الزمن دوار=انا ادري يابعد عمري على الفرقا تعودتي
انا ماراح..اقعد لك هنا واسأل عن اللي صار=ولا راح اسألك يااحلى حياتي لوتغيرتي
خذاك الوقت وادري الوقت لوطال الزمن غدار=وأنتي ياحبيبة خاطري مثله علي صرتي
تعبت اركض وادور للوفا وتخونني الأقدار=تعبت اصبغ جدار الوقت ويكتب انتهى وقتي
تعبت اتحمل جروح الحبايب والألم جبار=تعبت اكذب واقول انك الى الحين ماخنتي
تعبت اتنفس الشباك واقول انه وسيع الدار=واناادري ياديار الحب من مبطي علي ضقتي
تعبت آجبر كسور الهوى واتسلق الأسوار=تعبت احذف حواجز غيبتك وانتي ولابنتي
تعبت اكذب على نفسي وادور للفراق اعذار=تعبت اقول باقي بك امل حتى ولو غبتي
تعبت اشرح واقول ان المحبه قربت تنهار=واشوفك لاهيه عني ولاحتى تأثرتي
الا ياليلي القاسي كفايه باحت الأسرار=وياعيني كفايه من السهر عامين مانمتي
خطاياك الكثيره واضحه لاماعليها غبار=وجرحك قدتمكن فالحشا وانتي تمكنتي
خذيتي ثم خذيتي ثم خذيتي دون مانختار=يادنيا الله واكبر كل ما انتي تكبرتي
الى وين الطريق يروح مدري وين يامحتار=ولكن ياظنوني ذا نصيبك وين مارحتي
ابكتب لك هنا فوق الحنايا يالغلا تذكار=تأخرتي..تأخرتي..تأخرتي..تأخرتي

جزاك الله كل خير