عذاب القلب ياصوت تغنـى باعـذب الالحـان
على قافي وطاروقي صدح بالصوت واشقانـي
تغنت لي طيور الحب وجرتني علـى القيفــــــــــــــــــان
اخط الحرف واشطب حرف اراعي ذوق خلاني
سمعته واسرف بحالي يغنيهـا وهـو طربـــــــــــــــــــان
يــردد بيت مختـاره يقـول ان كـان تهوانـي
انا جيتك امل عاشق وانا كلـي الـم واحـــــــــــــــــــزان
ابي ضمه على صـدرك تبـدد كـل احزانـي
يثور الشعر في صدري ويسعرني كما البــــــــركان
ولولاني ازج الحرف اطفـي نـار تصلانـي
الا ياليت موجات لفـت بالصـوت والاشجــــــــــان
تجيب الزين قدامي واشوفه شـوف الاعيانـي
وابادله العهد صادق ما ابيع الحـب بالنكـــــــــران
ولا فكرت في هجـره ولا فكـرت فـي ثانـي
ولو حتـى تفارقنـا فـداه الـروح والوجـــــــــــدان
ومصير اللي يبي شوفي يجي له يـوم ويلقانـي